सद्गुरूकृपेचें हें देणें  समाधान केले तेणें - धृ.

पावविलें ऐसें खुणें  जेथ नाही जाणें येणें - 1

सुखें सुखांतचि लोळणें प्रेम नयेचि बोलणें - 2

निका तुटला भेदाभेद  जाहला सहज आनंद - 3

विकासलें निरंजन उन्मीळले हे लोचन - 4

मना नाहीं हो संचार ऐसें अगम्य अगोचर - 5

नामरूप न हीं ज्याला  ऐसा गैबची कीं झाला - 6

मज बैसविलें स्वस्थ  जेथें उदो नाहीं अस्त - 7

पडे मेघाविण पाऊस चांदणियाविण प्रकाश - 8

हें परमामृत पारणे मज झालें सोहिरा म्हणे - 9