ह्रदयीं चिन्मयसुखाचा बोध जाहला - धृ.
कांहीं नाहीं प्रतिकूळ । जाहलें स्वरूप अनुकूल । जया याति नाहीं कूळ ।
पाहतां आपुलें तें मूळ । समूळ हा शब्द निमाला - 1
होउनि अहं-सोहं भग्न । जाहलें तद्रुपतेशीं लग्न ।सदां स्वयेंचि संलग्न ।
आपण अंतरींच मग्न । होउनि पूर्णानंदें धाला - 2
कीं तें नामरूपावीण । निरालंब हें निर्गुण । घेतां तेथिल हे खूण ।
गेलें व्यापें व्यापकपण । केवळ जाहलें उगवण । कीं या अनादिबीजाला - 3
सोहिरा म्हणे ज्ञेय । ज्ञाता झाले ब्रह्ममय । अविनाश अप्रमेय ।
अखंडित निरामय । कीं हें सद्गुरूचें गुह्य । की अद्वयअम्मल प्याला - 4
कांहीं नाहीं प्रतिकूळ । जाहलें स्वरूप अनुकूल । जया याति नाहीं कूळ ।
पाहतां आपुलें तें मूळ । समूळ हा शब्द निमाला - 1
होउनि अहं-सोहं भग्न । जाहलें तद्रुपतेशीं लग्न ।सदां स्वयेंचि संलग्न ।
आपण अंतरींच मग्न । होउनि पूर्णानंदें धाला - 2
कीं तें नामरूपावीण । निरालंब हें निर्गुण । घेतां तेथिल हे खूण ।
गेलें व्यापें व्यापकपण । केवळ जाहलें उगवण । कीं या अनादिबीजाला - 3
सोहिरा म्हणे ज्ञेय । ज्ञाता झाले ब्रह्ममय । अविनाश अप्रमेय ।
अखंडित निरामय । कीं हें सद्गुरूचें गुह्य । की अद्वयअम्मल प्याला - 4