ऐसें काय मिळालें कळेना - धृ.

चारी सहा त्रैलोक्यमंडळ
शमदमिं पाहतां कोठेंचि हें आढळेना - 1

जें जें दिसे तें नयेचि सरिसें
कर्ताचि नासे वरि अनारिसें
तें कवणाचि हें तुळेना - 2

मन निर्मळ म्हणे कल्पनाचि मळवी
आपण हे मळेना - 3

संसारभयें भितें मनचि पळवी
आपण हें पळेना - 4

अनुभव-तरुवरि फुलेंविण फळलें
देठाविण फळ कदाचि हें गळेना - 5

जें जें दिसतें तें तें त्यानेंचि चळे
परि आपण हें चळेना - 6

निखिल चिन्मयबोध मुराला
प्रकाश उरला अढळ हा ढळेना - 7

सोहिरा म्हणे मज हें घडलें
थक्कचि पडलें मन हें जडलें फिरोनि कीं वळेना - 8